تغطية مولد الامام الحسن العسكري (ع)

بسم الله الرحمن الرحيم
اللهم صل على محمد وآل محمد وعجل فرجهم

زيارة العسكري ــ في ذكرى مولد الحسن العسكري عليه السلام
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
يلعسكري ما ننسه والله أزيارتك == مولاي ما ننسه وفاك الشيعتك
حرمونه من شوفة ضريحك سيدي == حرمونه من شوفة ضواهه الكبتك
من هدموا الكبه الخوارج ما دروا == كبه أنبنت بكلوبنه تزهي ألك
أصووروا ننساك ما نذكر بعد == سامره ما نوصل لعدهه تربتك
بس أحنه نعرف عالحقد باقي أو كبر == من يوم بيعة حيدره صار أو ترك
بكلوب عدوانه الكره يسعر لظه == من يوم حرموا فاطمه حكهه أبفدك
سجلهه يامولاي يلغايب ألم == كبة ابوك الهل تنادي غيرتك
ندري مله روحك ألم من الكسر == زاد أو كثر من باب حيدر أنهتك
والأصعب أعليك أو أشد طافح غده == دم جدك أحسين السبط يوم أنسفك
يلغايب المالوم أحنـــه أبحــــــــزن == ننخاك تظهر سيــــدي وبهيبتــــك
نرفع لواء المنتصر نمشـــي لعـــــد == سامره وياك أبعزم وأنسـر هلــك
نبنيهه كبة جدك أحنه أبفرح == نبني المناير فوك نرفع رايتك
ونقاتل الاشرار وياك أبصبر == من صبرك الفياض نروه أبشيمتك
ــــــــــــــــــــــــــــــــــــــــــــــــــ ــــــــــــــــــــــ
جزيل الشكر والامتنان لكم اخواني الاعزاء
مجهود جبار سلمت ايديكم
لا حرمنا الله من جهودكم لتغطيات افراح واحزان اهل البيت عليهم السلام
في ميزان حسناتكم
تقبلوا مروري
عاشقة الزهراء